Gengi

USD:105,45

is@shopusa.com

696 0033

Reiknivél

     Reikna

Ýmsar upplýsingar

Ýmsar upplýsingar

ShopUSA er aðgangur þinn að bandrískum markaði með fjölbreyttu vöruúrvali og tilboðum á hverjum degi.

ShopUSA virkar þannig að þú færð heimilisfang í Bandaríkjunum. Með heimilisfangið í höndunum ertu með allt sem þú þarft til að versla á hvaða bandarísku vefsíðu sem er. Þú verslar, gefur upp nafnið þitt og heimilisfang ShopUSA og lætur senda vöruna í vöruhúsið. Einfaldara gæti það ekki verið.

Reiknivél ShopUSA er verkfærið þitt til að vita hvað varan kostar heim komin. Þú velur vöruflokkinn. Setur inn innkaupsverðið í dollurum og smellir á "reikna". Þá kemur upp upphæðin sem þú greiðir í íslenskum krónum til ShopUSAog sú upphæð innifelur flutningsgjald til Íslands, tollafgreiðslu, opinber gjöld og afhendingu með Póstinum heim að dyrum hjá þér.

Þú getur keypt allt sem hugurinn girnist með þessari aðferð - það eru engin takmörk á þvísvo fremi sem löglegt sé að flytja inn viðkomandi vöru til Íslands.Það eru heldur engin takmörk á því frá hvaða netverslun þú kaupir vörur með ShopUSA. Þú getur verslað frá hvaða netverslun sem er og látið senda í vöruhúsið okkar.

ShopUSA á Íslandi var stofnað árið 2003 og reynslan sýnir að viðskiptavinum eru fá takmörk sett þegar kemur að því hvað þeim dettur í hug að kaupa. Það er einmitt það sem er svo skemmtilegt. Þú myndir ekki kaupa píanó, golfbíl eða sláttutraktor með hraðsendingu til landsins en það eru sannarlega engin vandamál að leyfa sér slík kaup með ShopUSA.

Nýttu þér ShopUSA til að eignast vöruna sem þig hefur dreymt um lengi!

Hjálp sem vert er að nýta sér

Góð aðferð til að láta vefinn finna fyrir sig það sem mann vantar eða langar í er að skrá sig fyrir fréttabréfum hjá viðkomandi netverslunum. Vafra svo smávegis í leit að þeirri vöru.

Næsta sem gerist er að þú ferð að fá fréttabréf frá viðkomandi netverslun með tilboðum á nákvæmlega þeirri vörutegund sem þú varst að leita að. Þetta er mjög áhrifaríkt tæki og bandarísku vefsíðurnar eru mjög þróaðar í þessa veru. Við hjá ShopUSA hvetjum viðskiptavini eindregið til að kynna sér þessa þjónustu vefsíðanna því hún er ótrúlega þægileg og getur sparað mikinn tíma.

Íslenski fáninn á síðunni?

Sumar vefsíður í Bandaríkjunum bjóða upp á flutning til hvaða lands sem er þar með talið til Íslands. Sumar þeirra taka af þér ráðin og uppi í hægra horninu poppar upp íslensku fáninn þegar þú vafrar og þú færð að sjá verð í EUR í staðinn fyrir dollurum. Dæmi um þetta eru t.d. síður eins og SEARS. Þegar til á að taka senda SEARS þó alls ekki hvaða vörur sem er til Íslands.

Ef að þú ætlar að nýta þér þjónustu ShopUSA og kaupa frá þessum síðum verður þú að passa upp á að kaupa frá síðunni þegar bandaríski fáninn kemur upp. Þú kaupir semsagt frá bandarísku síðunni í dollurum og lætur senda í vöruhúsið okkar. Frá SEARS getur þú keypt hvaða vörur sem er með þessum hætti þar sem þú lætur eins og þú sért íbúi í Bandaríkjunum þegar þú kaupir.

Skráning pantana hjá ShopUSA - bara 1 vöruflokkur?

Það er mjög algengt að viðskiptavinir geri pantanir á mörgum vöruflokkum í einu en reki svo í rogastans þegar þeir ætla að skrá sendinguna hjá ShopUSA því þar er bara boðið upp á að skrá 1 vöruflokk.

Það er í fínu lagi að skrá allt saman í einn vöruflokk,þann vöruflokk sem best lýsir því sem keypt er.T.d. ef keypt er fyrir 300 dollara og 200 dollarar af því eru fatnaður þá er rétt að skrá það undir fatnað. Einu undantekningarnar eru bækur og smávörur án tolla og vörugjalda, í þá flokka má ekki fara annað en bækur eða tollfrjálsar smávörur. Tollafgreiðsla á sér stað á grundvelli reikninga en ekki í gegnum kerfið og því þarf skráning á hverjum einstökum hlut ekki að vera alveg nákvæm.

Það er líka í lagi að skrá sem eina sendingu reikninga frá mörgum aðilum. Það er mögulegt að hengja margra reikninga við eina pöntun hjá ShopUSA. Ef það flækist fyrir er líka hægt að sleppa því að hengja reikningana við og senda þá eftir á í tölvupósti á netfangið is@shopusa.com og við göngum frá því.

Pöntun send í mörgum hlutum til vöruhússins

Það er mun algengara en hitt að pantanir séu afgreiddar í mörgum hlutum heldur en að þær komi í einu lagi í vöruhúsið. Það er engin ástæða til að hafa áhyggjur af því. Við yfirförum það sem kemur inn og athugum hvort að það samræmist reikningnum sem við á.

Ef að bara hluti er kominn fær pöntunin stöðuna: "partially received" og er sett inn athugasemd um hvað vantar. Við sendum ekki af stað til Íslands fyrr en allt hefur skilað sér og greiðsla hefur farið í gegn á kreditkortið.

Skráning hjá ShopUSA mikilvæg

Við hvetjum viðskiptavini eindregið til að skrá pantanir áður en þær berast í vöruhúsið. Það minnkar flækjustig verulega og minnkar mögulega á að mistök eigi sér stað að gera það. Með skráningu vörunnar á síðu ShopUSA áður en varan kemur í hús erum við og starfsmenn vöruhússins upplýst um hvaða vörur viðskiptavinur á von á að fá afhentar.

"Suite-númer." nauðsynlegt

Vöruhúsið þjónustar ekki bara ShopUSA á Íslandi heldur þjónustar það líka ShopUSA í Danmörku og Svíþjóð og ef að líkum lætur ShopUSA í fleiri löndum fljótlega. Þetta þýðir að hundruð pakka berast vöruhúsinu í viku hverri.

"Suitenúmer" er lykillinn að því að starfsmenn vöruhússins viti hver á viðkomandi pakka. Ef að pakki berst bara með nafni en ekki með suite-númeri eru miklar líkur á að viðkomandi pakki týnist og fari í kerfið sem óþekktur. Því leggjum við mikla áherslu á að viðskiptavinir passi upp á að nafn sendingar þegar hún kemur í hús sé í samræmi við nafn viðkomandi í kerfinu hjá okkur og að suite-númerið komi fram.

Það hefur borið á því sumir viðskiptavinir hafa notað suite-númer sem tilheyrir öðru nafni í kerfinu hjá okkur. Við mælum eindregið með því að það sé ekki gert því allt slíkt ýtir undir að mistök eigi sér stað. Vöruhúsið fer eftir nafni og suite-númeri sem er á pakkanum og ef að það er misræmi í því og nafni viðkomandi suite-númers í kerfinu eykst hætta á mistökum. Ástæða til að ítreka að það kostar ekki neitt að skrá sig sem viðskiptavin á síðu ShopUSA og því ætti að vera óþarfi að nýta skráningu annars viðskiptavinar.

SKRÁÐU ÞIG OG ÞÚ FÆRÐ HEIMILISFANG Í BANDARÍKJUNUM UM HÆL

– Þú verslar hjá hvaða bandarísku netverslun sem er og lætur senda á nafnið þitt og suite-númer á heimilisfang okkar í Bandaríkjunum. Það er allur galdurinn!

– ShopUSA sér um að flytja vöruna heim, tollafgreiða hana og greiða af henni gjöld – afhendir hana síðan heim að dyrum hjá þér á Íslandi.

Einfalt og öruggt!

Heimilisfang þitt í Bandaríkjunum:

Þitt nafn
Þitt ShopUSA suite-númer
1424 Baker Road,
Virginia Beach, VA 23455
USA
Sími 757 217 4506