Þú getur áætlað verðið með því að nota reiknivélina efst á síðunni. "Samtals gjöld kr" er sú upphæð sem þú

greiðir til ShopUSA með greiðslukorti (Euro eða VISA) þegar varan hefur verið móttekin í vöruhúsi í ShopUSA (sjá nánar lið 5 varðandi stærðarmörk sendingar). Þú sérð einnig heildarverð vörunnar en það er samtala þess sem þú greiðir ShopUSA og netversluninni.

Reiknivélin efst á síðunni auðveldar þér verðsamanburð á Íslandi. Gættu þess að setja vöruna þína í réttan flokk, sjá svör við spurningu nr. 2 hér að neðan

Ef þú slærð inn aukastafi (cent) gættu þess að reiknivélin gerir greinarmun á punkti og kommu eftir því hvernig tölvan þín er stillt. Þú gætir fengið upp villu ef þú notar rangt tákn til að skilja að aukastafi.

Reiknivélin tekur sífelldum breytingum.Gættu þess að velja rétta vöruflokkinn við skráningu vöru og í reiknivélinni til að áætla heildarverðið. Veljir þú rangan flokk, áskilur ShopUSA sér rétt til að innheimta afgreiðslugjald samkvæmt raunverlulegum vöruflokki. Ef þú ert í vafa í hvaða vöruflokki varan er skaltu senda okkur tölvupóst á is@shopusa.com og við svörum þér eins fljótt og kostur er.

a) Þú stofnar þig sem nýjan notanda hjá ShopUSA og færð úthlutað s.k. "Suite númeri".

b) Þú kaupir vöru af hvaða verslun sem er í USA og lætur senda vöruna til ShopUSA vöruhús, merkta nafni þínu og "Suitie númeri".

c) Þú skráir vöruna á www.shopusa.is Skrá sendingu

Við sjáum svo um framhaldið, greiðum öll gjöld og afhendum þér vöruna. Þú getur ávallt rakið vöruna með því að smella á rekja vöru linkinn á forsíðunni.

Með því að smella hér getur þú lesið leiðbeiningar okkar um netverslun.

ShopUSA gerir mjög flókið ferli einfalt með því að beita jöfnun. Þannig þarft þú ekki að velta fyrir þér þyngd, rúmmáli, tollflokkum eða vörugjöldum nema í þeim tilfellum sem sendingin er stærri en 0,125 rúmmeter. Reiknivélin áætlar heildarverðið til þín með jöfnunaraðferð.

Flugfrakt:
Allar sendingar sem eru minni en 50 cm á hverri hlið eru sjálfkrafa sendar með flugi til Íslands án auka flutningskostnaðar. Þú getur fengið stærri sendingar sendar með flugi en þá er kostnaðurinn USD 500 per aukarúmmeter (tekið er mið af ummáli heildarsendingar). Þegar þú skráir vöruna (Skrá sendingu), þá getur þú beðið um að sendingin verði send með flugi, jafnvel þó hún sé stærri en 50cm viðmiðið.

Dæmi:
Sending sem er 50 cm x 50 cm 50 cm = 0,125 m3 er send án aukakostnaðar
Sending sem er 1m x 50 cm x 50 cm = 0,25 m3, þá er greitt fyrir umfram rúmmál 0,25 - 0,125 = 0,125 x $500 = $62,50 kostar aukalega í flugfrakt en ekkert aukalega í sjófrakt.

Sjófrakt:
Sending sem eru minni en 0,5 rúmmetrar er send án auka flutningskostnaðar. Stærri sendingar kosta USD 300 per aukarúmmeter.

Dæmi:
Sending sem er 1 m x 1 m x 0,5 m = 0,5 m3 er send án aukakostnaðar.
Sending sem er 1 m x 1 m x 1 m = 1 m3, þá er greitt fyrir umfram rúmmál 1 - 0,5 = 0,5 x $300 = $150,00 kostar aukalega í sjófrakt.

Þyngd hefur ekki áhrif á fraktverð til Íslands.

Já, öll gjöld eru innifalin, þar meðtalin móttaka í USA, skráning, flutningur, virðisaukaskattur, tollur, vörugjöld og heimsending. Ef um er að ræða stóra sendingu eins og t.d. stór húsgögn og golfbíl þá getur ShopUSA farið fram á að sendingin verði sótt. Athugaðu að endanlegt afgreiðslugjald miðast við tollgengi þann dag sem varan er tollafgreidd, en ef gengisbreytingar eru litlar (innan við 5%) og varan kostar minna en USD 2000, þá stendur ShopUSA við það verð sem gefið var upp við skráningu vöru.

Já, VSK er innifalinn í afgreiðslugjaldi ShopUSA Virðisaukaskattur leggst á alla innflutta vöru. Virðisaukaskattur er 24% af flestum vörum.

Sömu reglur gilda um meðferð VSK af vörum sem afgreiddar eru af ShopUSA og aðrar vörur. Þú getur beðið um tollskýrslu við skráningu vörunnar og þá kemur virðisaukaskattur sundurliðaður. Sjá nánari upplýsingar á www.tollur.is því mismunandi VSK leggst á vöruflokka.

Erlenda vefverslunin skuldfærir greiðslukort þitt við vörukaup.
ShopUSA innheimtir afgreiðslugjald með skuldfærslu á greiðslukort þegar varan er móttekin í vöruhúsiShopUsa. Ef varan berst ekki i vöruhúsið, færist engin kostnaður á greiðslukortið þó svo að varan hafi verið skráð.

Varan sem þú kaupir á netinu þarf að berast í vöruhús ShopUSA:

Nafn þitt (t.d. Jón Jónsson)
10 Willey Road
Suite ISxxxx (t.d. IS1234,ef boðið er uppá address line 2)
Saco, ME, 04072
Tel: 800 255 4044
ME stendur fyrir Maine sem er fylkið (state) og 04072 er póstnúmerið (zip-code). Þú færð úthlutað "suite númeri" þegar þú skráir þig sem notanda hjá ShopUSA.

Gættu þess vandlega að láta merkja vöruna með nafni þínu og "Suite númeri" svo við getum komið henni í þínar hendur.

Athugaðu að fylla ekki inn í reit sem er ætlaður til að koma gjafaskilaboðum á framfæri, því þá er enginn reikningur sendur með vörunni og án reiknings er ekki hægt að tollafgreiða vöruna.

Við sendum pakka þar sem hver hlið er styttri en 50 cm með flugi en stærri sendingar með sjófrakt til Íslands. Hægt er að velja flug eingöngu þegar skráð er, þannig að ef varan fer yfir hámarksstærð fyrir flug þá er hún mæld upp og aukakostnaður leggst á (sjá nánar í lið 5 hér að síðunni). Flugsendingar eru alla laugardaga og þarf vara að berast fyrir 12:00 á miðvikudegi. Eimskip siglir frá Maine alla föstudaga og þarf varan að hafa borist fyrir 17:00 á mánudegi í sömu viku og skip fer frá Portland,ME. Áætluð afhending á flugsendingum eru 6 dagar og sjófraktarsendingum tæpar 3 vikur - þetta miðast við þann dag semvörur fara frá vöruhúsumokkar.

Þegar þú skráir vöruna hjá ShopUSA (strax eftir vörukaup) þá getur þú hakað við að þú viljir getað endursent vöruna til USA. Gjaldið er 2% af kaupfjárhæð eða 350 krónur að lágmarki.

Skilaréttur fylgir flestum vörum sem seldar eru á Netinu í Bandaríkjunum. Í mörgum tilfellum gefst kaupendum kostur á að endursenda vöruna án endurgjalds til seljanda. Þetta er mikilvægt ef t.d. fatnaður er ekki af réttri stærð, ef vara er gölluð eða ef bilun kemur fram á meðan vara er í ábyrgð.

Ef þú hakar við í skráningu hjá ShopUSA að þú viljir eiga rétt á að skila vörunni, þá getur þú sent okkur email innan 5 daga frá afhendingu og við getum endursent vöruna til USA. Það fer svo eftir skilmálum seljanda hver greiðir fraktina innan Bandaríkjanna, og það þarf að liggja fyrir að seljandi samþykkir að fá vöruna endursenda til sín. Ef vöru er skilað og önnur álíka er fengin í staðinn mun ShopUSA ekki innheimta afgreiðslugjöld. Það fer eftir ákvörðun tollstjóra hvort kaupandi er þá undanþeginn tollum og virðisaukaskatti, en dæmi eru um að tollstjóri hafi fellt niður og/eða endurgreitt gjöld í þeim tilfellum.

Þú skalt kynna þér vel ábyrgðarskilmála verslunar í USA áður en vara er keypt. Einnig skaltu kynna þér rétt þinn til að skila og endursenda vöruna. Skilaréttur er mjög misjafn, í sumum tilfellum 30 dagar en í öðrum tilfellum 12 mánuðir, og allt þar á milli. Hafðu hugfast að það líður nokkur tími frá því að seljandi sendir vöruna og þar til hún berst þér á Íslandi. Athugaðu líka hvort einhverjir taki að sér að þjónusta vöruna á Íslandi. Ekki er öruggt hvort tollur og virðisaukaskattur fáist endurgreiddur frá hinu opinbera á Íslandi ef vara er endursend. Ekki er heldur víst að verslunin endurgreiði flutningsgjald og annan kostnað. ShopUSA er einungis vörumiðlun og getur því miður ekki ábyrgst vöruna eftir afhendingu og býður ekki viðgerðarþjónustu, kennslu eða þjálfun í notkun hennar.

Já, þú getur verslað við allar netverslanir OG verslanir í Bandaríkjunum, fyrir því eru engin takmörk. Varan verður þó að vera lögleg á Íslandi, sbr. skilmála ShopUSA.

Flestir seljendur senda þér staðfestingu á tölvupósti um að vara hafi verið send frá seljanda. Oftast fylgir þá sendingarnúmer flutningsaðila, oft kallað "tracking number". Á vefsíðum flestra hraðsendingarþjónusta er hægt að slá inn "tracking-number" og fá upplýsingar um hvar varan er stödd hverju sinni, allt þar til varan hefur verið afhent í vöruhúsi ShopUSA.

ShopUSA á erfitt með að finna hver er eigandi vörunnar ef varan hefur ekki verið áður skráð hjá ShopUSA, og sérstaklega ef "suite númer" kemur ekki fram á reikningi eða límmiða. Ef ShopUSA getur ekki fundið hver eigandi vörunnar er, þá er hún geymd í vöruhúsi í 3 mánuðiþar til upplýsingar berastfrá eiganda vörunnar(eftir 3 mánuði fer svo varan í geymslu aðra 3 mánuði, og eftir það er vörunni fargað). Þess vegna er mjög mikilvægt fyrir þig að smella Skrá sendinguefst á síðunni þegar þú hefur keypt vöru af netverslun ogreyna að skrá "suite númer" í heimilisfang hjá seljanda.

Flestar netverslanir munu senda þér staðfestingu með tölvupósti um að pöntun hafi verið móttekin, greiðslukort þitt skuldfært, varan hafi verið til á lager og upplýsingar um áætlaðan afhendingartíma í vöruhús ShopUSA. Ef þessar upplýsingar berast þér ekki, þá er líklegt að pöntunin hafi ekki farið í gegn og því mun engin vara verða send í vöruhús ShopUSA. Í því tilfelli skaltu athuga hvort greiðslukorti þínu hafi verið hafnað. Þú getur þú sent okkur póst á is@shopusa.com og við mun aðstoða eftir fremsta megni.

· Tölvu með vafrara og tengingu við Internetið.
· Kreditkort með úttektrarheimild í erlendri mynt fyrir þeirri fjárhæð sem varan kostar í bandaríkjadollurum.
· Að láta senda vöruna í vöruhús ShopUSA, merkta þér.
. Að skrá vörusendingu hjá ShopUSA.

Tollur er innifalinn í afgreiðslugjaldi ShopUSA. Tollar frá Bandaríkjunum eru mismunandi eftir tegund og eðli vöru. Kaupandi getur kynnt sér tolla og vörugjald hjá Tollstjóranum í Reykjavík, og áwww.tollur.is. Búið er að afnema tolla af flestum vörum en ekki öllum, svo bera sumar vörur förgunargjöld/gúmígjöld eða einhverja gjaldaflokka.

Frá og með 16. nóvember 2005 mun Íslandspóstur annast heimsendingar allra vara fyrir ShopUSA á Íslandi án aukakostnaðar.

Kerfi sumra netfyrirtækja leyfa ekki að senda vöru á annan stað (shipping address) en greiðslustað (billing address).

Stundum bera netverslanir saman "billing address" á kreditkorti og "shipping address" fyrir vörusendingu. Þú getur haft samband við greiðslukortafyrirtækið þitt og beðið um að 10 Willey Road, Saco, Maine 04072 verði auka-heimilisfang á skrá (secondary billing address). Þetta gæti liðkað fyrir því að seljandi samþykkti skuldfærslu á kreditkortið þitt.

Í sumum tilfellum er hægt að greiða vöru með "wiretransfer" (bankamillifærslu), en þú skalt áður ganga úr skugga um áreiðanleika seljanda. Við mælum ekki með bankamillifærslum ef verið er að versla við einstaklinga, t.d. á eBay.

Stundum er of mikil fyrirhöfn að versla við netverslanir sem ekki taka kreditkort. Því er oft auðveldara að finna sambærilega vöru hjá annari netverslun. Á forsíðu ShopUSA eru aðeins tenglar við netverslanir sem hafa samþykkt íslensk greiðslukort og hafa veitt góða þjónustu. Við ábyggjumst þó ekki að allar færslur verði samþykktar, sérstaklega ef um háar fjárhæðir er að ræða.

Til þess að versla á netinu þarf í flestum tilfellum að vera með kreditkort. Þeir sem ekki vilja vera með hefðbundið kreditkort en vilja notfæra sér hagræði og ýmis fríðindi kreditkorts án þess að skulda geta fengið sér VISA í + eða Mastercard Plús sem eru fyrirfram greidd kreditkort. Engin lán eða reikningar. Það er einungis er hægt að ráðstafa þeirri fjárhæð sem greidd hefur verið inn á kortreikninginn hverju sinni. Þá má nefna að margir vilja fara varlega í viðskiptum á vefnum þegar gefa þarf upp kortnúmer og forðast að reynt verði að misnota aðalkreditkort þeirra og fá sér því til viðbótar fyrirframgreitt kort.

PayPal er greiðslumiðlunarfyrirtæki í eigu eBay. Þegar þú stofnar PayPal reikning þá skuldfæra þeir ca. $2 á kreditkortið þitt og senda lykilorð með reikningsfærslunni. Þannig er tryggt að enginn geti fengið lykilorðið annar en sá sem hefur aðgang að kreditkortareikningi. PayPal er milliliður á milli kaupenda og seljanda á eBay. Standi seljandi ekki við afhendingu á vöru þá getur þú hafnað greiðslu innan tiltekins tíma og verður greiðslan þá bakfærð. Seljandi greiðir PayPal þóknun vegna viðskiptanna, en ekki kaupandi. Sjá nánar á www.paypal.com

Athugaðu að þú getur líka hafnað greiðslu hjá greiðslukortafyrirtæki þínu hafi seljandi ekki afhent vöruna, eða ekki í því ástandi sem hann lofaði.

Já, þú getur verslað við allar netverslanir OG verslanir í Bandaríkjunum, fyrir því eru engin takmörk. Varan verður þó að vera lögleg á Íslandi, sbr. skilmála ShopUSA.

Þó heimilt sé að flytja flestar vörutegundir til landsins eru nokkrar undantekningar þar á. ShopUSA tekur ekki að sér að flytja vöru sem er ólögleg á Íslandi. Kaupandi er hvattur til að kynna sér gaumgæfilega íslensk lög og reglugerðir um vöruinnflutning. ShopUSA ábyrgist ekki að vörur sem fluttar eru á þess vegum standist ákvæði íslenskra laga og reglugerða. Kaupandi er ábyrgur fyrir kostnaði ef vörur fást ekki tollafgreiddar.Ekki er hægt að flytja inn áfengi.

Fellihýsi og tengivagnar sem fluttir eru til Íslands þurfa að uppfylla kröfur umferðarlaga. Í mörgum tilfellum er nauðsynlegt að yfirfara og breyta hemla- og ljósabúnaði. Enda þótt fellihýsin standist strangar kröfur í Bandaríkjunum þá eru lög og reglugerðir ekki þær sömu og innan EES.

Allar vörur sem falla undir reglur um tæki sem brenna gasi verða að uppfylla ákæði laga nr. 46/1980 um aðbúnað, hollustuhætti og öryggi á vinnustöðum og reglna nr 108/1996 um tæki sem brenna gasi. Við mælum með því að þú snúir þér til opinberra aðila sért þú í vafa um hvort fellihýsið sem þú hyggst kaupa standist íslenskar kröfur.

Flest raftæki sem seld eru í Bandaríkjunum eru hönnuð fyrir 110 volta spennu. ShopUSA mælir með að þú kaupir raftæki sem gerð fyrir evrópska staðla (t.d. CE merkt og 220 volta spenna). Algengt er að tölvur hafi innbyggðan spennubreyti sem þarf að stilla við móttöku. Nokkur tæki eru gerð fyrir vítt spennubil og taka bæði 110 og 220 volta straum. Athugið að flestar snúrur hafa ameríska tengla.

Kaupendur eru hvattir til að kynna sér gaumgæfilega kröfur til raftækja á Íslandi. Nánari upplýsingar er hægt að fá á vefsíðu Neytendastofu, eða á www.neytendastofa.is

Hægt er að nota amerísk sjónvörp á Íslandi. Þú gætir þurft að hafa samband við þitt sjónvarps fyrirtæki og láta þá uppfæra sjónvarps lykilinn hjá þér, segja þeim að þú sért með Amerískt sjónvarp. Þá breyta þeir merki sem myndlykill gefur til sjónvarpsins. Athugið að sum sjónvörp í Bandaríkjunum taka bara 110v straum, og þurfa því straumbreyti. En flest sjónvarpstæki virka samt bæði í 110v og 220v straumi.

Flestar bandarískar tölvur eru seldar með stöðluðu lyklaborði (QWERTY), en hafa ekki íslenska stafi. Flest stýrkerfi bjóða upp á stillngar fyrir mismunandi tungumál, t.d. Windows® stýrikerfin frá Microsoft®. Til að stilla lyklaborð fyrir íslenska stafi í Windows XP þá smellir þú á "Start" hnappinn neðst í vinstra horni, velur Settings / Control Panel / Regional and Language Options og smellir síðan á "Languages" flipann og svo "Details" hnappinn. Þar er hægt að bæta við íslensku með því að smella á "Add" takkann. Athugið að einnig er hægt að forrita flýtilykla til skipta á milli ensku og íslensku, t.d. með Control og Shift. Þú getur farið í næstu tölvuverslun og nálgast límmiða til að setja á lyklaborðið.

Kaupendur eru hvattir til að kynna sér áreiðanleika seljanda. ShopUSA mun umsvifalaust fjarlægja tengla við netverslanir sem talið er að séu ekki öruggar og eru ábendingar í því efni vel þegnar. Ýmsir aðilar bjóða upplýsingar og umsagnir um seljendur, t.d.www.bbb.com

Kaupandi er hvattur til að yfirfara allar færslur á greiðslukorti og tilkynna banka eða greiðslukortafyrirtæki tafarlaust rangar færslur. Þú hefur nokkurra vikna frest til að hafa samband við greiðslukortafyrirtækið og hafna greiðslu sem ekki hefur verið færð á kortið þitt með lögmætum hætti.

Mjög er misjafnt hvort vörur séu til á lager hjá seljendum þegar pöntun berst. Venjulega fær kaupandi strax staðfestingu á því hvort varan sé til og hve langan tíma taki að afgreiða hana frá seljanda.

Hjá Seðlabanka Íslands er hægt að fá upplýsingar um tollgengi. Tollgengið er lagt til grundvallar þegar verð vöru er umreiknað úr USD í íslenskar krónur. Athugaðu að tollgengið er síbreytilegt. Tollur reiknast út frá tollgengi þegar vara er tollafgreidd, eftir komu hennar til Íslands. Varan getur því ýmist hækkað eða lækkað í verði frá því pöntun var gerð. Ef breytingar á gengi eru innan við 5% frá skráningardegi (kaupdegi) og til þess dags sem varan er afgreidd, þá mun ShopUSA standa við það verð sem reiknivélin áætlaði (að því gefnu að rétt fjárhæð í USD og réttur vöruflokkur hafi verið valinn).

Flestar netverslanir bjóða þér að skrá nafn þitt og fá reglulega sendan tölvupóst um nýjustu tilboðin hverju sinni. Stundum áskilja þau sér rétt til að veita öðrum aðilum upplýsingar um netfangið þitt. Oftast biðja þau þig um leyfi fyrir slíku fyrirfram.

Við hvetjum þig til að kynna þér kröfur til innflutnings matvæla hjá opinberum aðilum áður en vara er keypt í USA. Ef óheimilt reynist að afgreiða matvæli sem flutt hafa verið til Íslands, áskilur ShopUSA sér rétt til að innheimta útlagðan kostnað. Því miður er ekki unnt að taka við kæli- og frystivöru.

Allt gæludýrafóður sem flutt er til Íslands verður að fá samþykki opinberra aðila.

ShopUSA opnar þér dyr til að versla við þúsundir seljenda um öll Bandaríkin.
· Þú getur keypt ótal vörutegundir sem eru ófáanlegar á Íslandi
· Reiknivélin efst á síðunni auðveldar þér verðsamanburð á Íslandi.
· Á síðum ShopUSA má finna margvíslegar upplýsingar um allar hliðar netviðskipta
. Á síðum ShopUSA finnur þú tengla við traustar og vinsælar netverslanir
· Öll vörukaup eru gerð af tölvunni heiman frá þér
· Traustir aðilar sjá um móttöku, flutning, tollafgreiðslu og afhendingu vörunnar
· Þú getur verslað allan sólarhringinn árið um kring.
· Netverslun er EINN ódýrasti verslunarmáti sem til er

Hafið samband við Lyfjaeftirlit og fáið uppgefið hvort lyf eða fæðubótaefni sem leyfilegt á Íslandi fyrir pöntun. Einnig bendum við á www.Lyfjastofnun.is en þar má finna margvíslegar gagnlegar upplýsingar.

Hafið samband við lögreglu um leyfi fyrir skotvopnum og aukahluti áður en kaup framkvæmd.

Allar fjarstýringar og barnatalstöðvar verða að vera CE merktar. Ef vara sem sendir þráðlaust er ekki CE merkt þá verður varan stoppuð í tollinum. Fáið uppgefið hjá framleiðanda/Seljanda áður en influtningur hefst.

Athugið að skoða rafmagn aftan á tölvum áður en þú setur hana í gang. Oftast er takki aftan á tölvunni til að skipta úr 120V í okkar rafmagn sem er 220-230V.

Athugið að allir farsímar og þráðlausir símar verða að vera CE merktir svo varan sé lögleg inn í landið. Vinsamlegast kynnið ykkur þessi mál áður en varan er keypt.

Sendu okkur fyrirspurn á is@shopusa.com eða lestu leiðbeiningar okkar um netverslun með því að smella hér

Hvenær sem er - allan sólarhringinn
Hvar sem er - þúsundir verslana
Hvað sem er - milljónir vörutegunda

ShopUSA er dótturfélag SUSA Holding Ltd. Posseidonos 1 Nicossia, Kýpur, 2406. Greiðslu verður að vera í Bandaríkjadölum (USD). Þú getur einnig séð SUSA Holding Ltd á bankareiknings yfirlitinu þínu.Þú sem neytandi og viðskiptavinur ShopUSA ert alltaf varin undir neytenda reglum Íslands. Fyrir allar fyrirspurnir þá er þér velkomið aðhafa samband ShopUSA með tölvupósti eða síma.

1 dollar er tekinn út af kortinu þínu við skráningu og er lagður inn strax aftur. Þetta tengist einungis prufukeyrslu á kreditkortinu við skráningu og fer inn og út.